PSG e ka mbyllur në avantazh 2-1 pjesën e parë të ndeshjes që po luan në shtëpi kundër Montpellier, një takim i vlefshëm për javën e 17-të të kampionatit francez, që ishte shtyrë për shkak të protestave të “xhaketave të verdha” dy muaj më parë.
Kurzawa (13′) ka zhbllokuar sfidën, ndërsa Mollet (31′) ka barazuar për miqtë. Gjithsesi, në minutën e fundit të kohës shtesë ka ardhur një goditje dënimi e mrekullueshme e Di Maria-s, që ka kthyer në avantazh skuadrën e Tuchel.