Matias Vecino ka dhënë një intervistë për kanalin zyrtar të Interit në internet. Një rrëfim ndryshe i uruguaianit, i cili ka rrëfyer fillimet e karrierës dhe emocionet me fanellën zikaltër në “San Siro”.
“Herën e parë që hyra në ‘San Siro’ kuptova menjëherë rëndësinë e stadiumit. Imponimi, i ngrohtë dhe unik. Debutimi ishte në një ndeshje për Kupë, Inter-Fiorentina, ende mbaj mend. Veshja e fanellës është një ndjenjë unike dhe e papërshkrueshme. Është një ëndërr, një privilegj dhe një mundësi e madhe. E ndien që nuk mund të tradhtosh tifozët dhe besimin e këtyre ngjyrave”, tha fillimisht uruguaiani.
Kujtimet e fëmijërisë: “Ndeshja e parë që pashë në stadium ishte një sfidë e Liverpoolit. Shkova për të parë një djalë nga vendi ynë dhe ndeshja përfundoi 0-0. Kur isha atje, ndjeva diçka brenda, si një shtytje: Doja të isha edhe unë futbollist”.
Goli i parë i shënuar nga profesionist? Isha me Central Espanol, një klub nga Uruguai dhe ishte në debutimin tim. Ne luajtëm në orën 10:00: një orar i pazakontë. shënova gol dhe fituam 5-1, ishte fantastike“.
Vecino foli edhe për ushqimin në Itali duke vënë theksin tek makaronat, si pjata e tij e preferuar, ndërsa shtoi se ai vetë nuk gatuan.
