Mauro Icardi është çështja më e lakuar në Itali. Inter i hoqi shiritin e kapitenit dhe rinovimi i kontratës, aq shumë i përfolur duket se nuk do të ndodhë kurrë.
Gazetari italian, Walter De Maggio dje shpjegoi se sulmuesi argjentinas ka nënshkruar marrëveshje me Juventusin, për këtë Inter mori masa ndaj tij. Gjithsesi kjo mbetet vetëm një hipotezë e tij.
Ndërkohë, sot ka qenë Giorgio Chiellini, i cili ka filluar të ndjekë në Instagram Icardin, pikërisht në këtë rrëmujë të madhe që po krijohet në kampin zikaltër dhe në zërat që dalin orë pas ore në media.
