Ronaldo po kalon një formë perfekte dhe këtë gjë e tregoi sot në ndeshjen kundër Sasuolos. Portugezi shënoi një gol dhe dha një asist për Emre Çan te rrjeta e tretë.
Me këto që bëri sot në fushën e lojës ai nuk ka bërë gjë tjetër veçse të vazhdojë të rrisë shifrat, që tregojnë se gjendja e tij është shumë e mirë. Ky gol bën që të ai kap numrin 20 në 31 ndeshje të luajtura deri më tani me fanellën e Juventusit. 18 gola në kampionat dhe nga një në Superkupë e Ligën e Kampionëve, portugezi vazhdon aty ku e kishte lënë tek Reali.
Ndërkohë deri më tani ka 10 asist, kështu që në këtë pikë të sezonit shifrat e golave dhe të asisteve janë dyshifërore. Gjërat për të dhe Juventusin shkojnë në rrugën e duhur, por vëmendja e tifozëve dhe e vet lojtarit janë të përqëndruara te Liga e Kampionëve.