Momente paniku për pilotin gjerman Sebastian Vettel, që sot, gjatë ditës së tretë të testeve të lira që po zhvillohen në pistën spanjolle të Montmelo, u përplas me makinën Ferrari. Në kthesën e tretë, një problem mekanik solli aksidentin, për fat pa pasoja për 4 herë kampionin e botës edhe pse makina ishte me shpejtësi të madhe dhe pësoi mjaft dëmtime.
Përplasja e njëvendëshes me barrierat mbrojtëse ishte e fortë, por piloti gjerman doli vetë nga “kokëkuqja”. Ndërkohë që, organizatorët e testeve valëvitën flamurin e kuq, duke i ndërprerë përkohësisht provat. Deri në momentin e aksidentit Vettel renditej i dyti për sa i përket kohëve të dhëna.
Pas aksidentit, piloti gjerman i Ferrarit u transportua në qendrën mjekësore të pistës spanjolle për disa kontolle rutinë dhe më tej ai u rikthye në bokse. Gjatë pasdites, në pistë do të zbresë piloti tjetër i Ferrarit, Charles Leclerc, ndërkohë që mekanikët nisën kontrollin e makinës së Vettel për të kuptuar shkakun e problemit.
Trackside footage of Sebastian Vettel's crash at Turn 3 because of a mechanical problem. #F1Testing #F1
🎥: @SergioGarciaErv pic.twitter.com/WQoVUhwC7w
— Planet F1 (@Planet_F1) February 27, 2019
