Dalian Yifang ka zyrtarizuar blerjen e Marek Hamsik nga Napoli, i cili i jep fund një karriere 12-vjeçare me fanellën e kaltër. Ndërkohë që në vitet 2005-2007 ka luajtur për Brescia në Serie B.
Mesfushori sllovak do të përfitojë 9 milionë euro në sezon, ndërsa në arkën e Napolit kanë shkuar 20 milionë të tjera. Një operacion që për klubin kinez shkon në 40 milionë euro, pasi dihet që ligji në Kinë parashikon se shuma e blerjes së lojtarit do jetë e njëjtë me atë që do derdhet në formë takse në shtet.
31-vjeçari numëron 110 gola në Serie A me Napolin, 10 me Brescia në Serie B dhe një gol me Slovan Bratislava.
