Javier Tebas, presidenti i La Liga-s, ka komentuar fjalët e thëna nga Gerard Pique, i cili ka ftuar televizionet spanjolle të merren më shumë me njerëzit që po luftojnë për pavarësinë e Katalonjës (ylli i Barçës i ka quajtur “të burgosur politikë”), të cilët janë në gjyq, dhe më pak me futboll, veçanërisht me VAR-in.
“Gerard është një futbollist i mirë, një qendërmbrojtës i madh, por nuk merr vesh nga drejtësia”, ka qenë kundërpërgjigjja e presidentit të La Liga-s.
“Nuk ka të burgosur politikë në këtë vend. Ka njerëz që, sipas akuzës, kanë shkelur ligjin me rebelimin e tyre dhe për këtë po zhvillohet një gjyq. E përsëris, futbollist dhe sipërmarrës i madh, por një jurist i dobët”.
