Keita Balde është rikthyer të stërvitet me grupin dhe ka filluar të ketë kontaktin me topin. Senegalezi ishte në momentin e tij më të mirë që kur u transferua te Inter, pasi arriti të shënojë tre gola, mirëpo një dëmtim në kofshë gjatë një stërvitje e ka lënë atë jashtë për dy muaj.
Sulmuesi 23-vjeçar pritet që të fillojë të stërvitet rregullisht në ditët në vijim dhe do jetë gati për të zbritur në fushë për ndeshjen kundër Spal, e programuar më 10 mars, si dhe për ndeshjen e kthimit ndaj Eintracht Frankfurt në Europa League.
Ndërkohë Spalletti për transferuat në Cagliari e në Eintracht duhet të bëjë llogaritë vetëm me Lautaron në majë të sulmit dhe Perisic e Politano, alternativë mbetet Candreva.
Bashkë me afrikanin është stërvitur edhe Mauro Icardi, i cili ankohet për një dhimbje në gju, por rikthimi në fushë i kapitenit nuk është ende i qartë sepse çështja e tij është përtej një dëmtimi.
