Në Spanjë po flitet prej ditësh për Pep Guardiola, i cili ka zemëruar në fillim Barcelonën, duke kërkuar t’i vjedhë holandezin Frenkie de Jong, dhe më pas ka zemëruar të gjithë tifozët e Real Madrid, duke thënë se Bayern, Barcelona dhe Juventus janë skuadrat më të forta të dhjetëvjeçarit të fundit.
Nëse marrim në konsideratë trofetë e fituar në 10 sezonet e fundit, shikohet se skuadra më e suksesshme është Barcelona. 28 trofe të fituar në 10 vite, mes të cilëve 7 La Liga, 3 Champions. Në vendin e dytë është Paris Saint-Germain me 21 trofe ndërsa podiumi mbyllet me Bayern, që ka grumbulluar 19 trofe.
Në vendin e katërt renditet Real Madrid, që në dhjetëvjeçarin e fundit ka patur më shumë sukses në Champions se në La Liga. 17 trofe në total për “Los Blancos”. Në vendin e pestë është Juventus me 15 trofe, të gjithë të fituar në shtatë vitet e fundit.
Pjesë e kësaj renditje të veçantë janë edhe dy skuadrat e Mançesterit (14 trofe për United, 9 për City), Chelsea (11 trofe) dhe Atletico Madrid, fitues i 9 trofeve.
9) Manchester City (9)
8) Atletico Madrid (9)
7) Chelsea (11)
6) Manchester United (14)
5) Juventus (15)
4) Real Madrid (17)
3) Bayern (19)
2) PSG (21)
1) Barcelona (28)
