Ish-futbollisti i njohur i viteve 80’ Roberto Fernandez ka folur për Gerard Pique dhe mendon se ai është qendërmbrojtësi më i mirë që ka parë ndonjëherë.
Pique po kalon një sezon fantastik dhe ka shkëlqyer edhe në dy ndeshjet e fundit ndaj Real Madrid në Bernabeu.
“Pique është qendërmbrojtësi më i mirë në botë. Jo vetëm tani, por i të gjitha kohërave,” shprehet Fernandez për Sport.
Pique shpeshherë harrohet të përmendet si një nga mbrojtësit më të mirë në botë, por nuk ka dyshim se emri i tij është te lista e më të mirëve.
Qendërmbrojtësi tjetër spanjoll Sergio Ramos, partneri i tij te Spanja, zakonisht ka marrë më tepër elozhe nga analistët, por është kritikuar edhe më shumë se Pique.
