Në Paraguai ka shpërthyer ditët e fundit një çështje, e cila me kalimin e orëve po zmadhohet në përmasa. Presidenti i klubit të Libertadit, Fransisko Gimenez Lalvo, me anë të një deklarate ka shkarkuar trajnerin Leonel Zuleta, por njëkohësisht i ka lënë hapësirë fantazisë së gjithkujt për të hamendësuar mbi arsyet e veprimit të tij.
Tekniku kishte fituar Kupën “Libertadores” në sezonin e parë me skuadrën, por një raport jashtëmartesor me dy nga bashkëshortet e futbollistëve që stërviste, ka bërë që në Paraguai të shpërthejë një rast i paprecedent mediatik.
Edgar Benitez dhe Serxhio Akuino janë dy futbollistët të cilët janë tradhtuar nga bashkëshortet dhe trajneri, teksa ky i fundit përflitet edhe për një raport të tretë me gruan e një drejtuesi të lartë të klubit të Libertadit.
