Ruben Dias, qendërmbrojtësi 21-vjeçar i Benfica-s, po ndiqet nga Barcelona dhe Juventus.
Bardhezinjtë po punojnë prej kohësh për të siguruar shërbimet e yllit të ri me ndihmën e Jorge Mendes, i cili është menaxheri i tij.
Katalanasit, nga ana tjetër, kanë përgënjeshtruar interesimin për futbollistin, por në javët e fundit disa vëzhgues të Barçës kanë shkuar në Lisbonë për ta parë nga afër.
Dias, kartoni i të cilit vlen rreth 30 milionë euro, ka realizuar 2 gola dhe ka dhënë 3 asiste në 45 ndeshjet e luajtura në këtë sezon me Benfica-n.
