Corriere dello Sport ka zbuluar një nga sekretet e stërvitjes dhe rehabilitimit të Cristiano Ronaldo-s.
Është një instrument që do ta ndihmojë të rikthehet në fushë më shpejtë sesa është parashikuar të hënën.
CR7 ka një makineri e cila quhet AlterG dhe është prodhuar nga agjencia e aeronautikës dhe administrimit të hapësirës NASA.
Makineria është blerë që kur ai luante te Real Madrid dhe të lejon të stërvitesh në mungesë të gravitetit.
Ronaldo do të vrapojë në një pistë të mbuluar ku presioni i ajrit është modifikuar për të reduktuar peshën e trupit me 80%.
Ky aktivitet do ta ndihmojë portugezin të përshpejtojë kohën e rikuperimit duke e lejuar të vrapojë pa rënduar mbi ligamentet.
