Fernando Ovelar është një nga emrat e shënuar me shkronja të mëdha në zyrat e klubit të futbollit të Barcelonës. Sulmuesi, vetëm 15 vjeç, ka debutuar tashmë me ekipin e parë të Cerro Porteno dhe luan me kombëtaren U-17 të Paraguajit.
Pak më shumë se një muaj më parë, emisarë të Barçës vizituan Amerikën e Jugut. Dy përfaqësuesit ishin Pep Boada dhe José Mari Bakero. Të dy kishin si synim të shihnin nga afër disa ekipe, me vëmendje të veçantë te Edwin Valencia (16 vjeç). Ata mësuan më shumë edhe për progresin sportiv të Fernando Ovelar.
Ky i fundit bëri histori, kur debutoi 14 vjeç me fanellën e Cerro Porteno. Përveç kësaj, në ditën e debutimit të tij, ai shënoi gol pas 15 minutash, duke u bërë golashënuesi më i ri në historinë e kampionatit paraguajan.
