Arsenal ka fituar 1-0 ndaj Watford dhe rikthehet në vendin e katërt që do t’i mundësonte kualifikimin në Champions League.
Trajneri Unai Emery ka përdorur rotacionin në prag të Napolit në ndeshjen e kthimit të çerekfinales së Europa League.
Aubameyang dhe Kolasinac e bënë pushim, ndërsa Ozil dhe Ramsey u futën në pjesën e dytë.
Golin e vetëm të takimit e ka shënuar Pierre Emerick Aubameyang i cili me zgjuarsinë e tij ka shfrytëzuar gafën e portierit Foster.
Gardiani i Watford, i cili është një nga më të mirët këtë sezon,ka gabuar rëndë duke mbajtur topin më tepër se sa duhet në zotërim dhe goditja e tij u bllokua nga sulmuesi i Arsenal, me topin që shkoi në rrjetë.
Vetëm një minutë më pas erdhi goditja e dytë e rëndë për vendasit. Kapiteni Troy Deeney doli me karton të kuq pas një dyluftimi me Torreira-n, por pamjet treguan qartë se kartoni ishte i padrejtë.
Rezultai nuk ndryshoi, megjithëse mundësitë për të shënuar nuk munguan. Arsenal merr një fitore të rëndësishme në luftën për një vend mes katër më të mirëve.
