Një gol i shënuar në bashkëpunim mes Ivan Campo dhe Anelka e nxori “huq”, po shumë keq, qendërmbrojtësin e ri të asaj kohe të “Djajve të Kuq”, Gerard Pique. Në këtë video, të publikuar sot nga spanjollja “AS”, mund të shihni se si “fluturon pa adresë” futbollisti katalanas në tentativën për të fituar dyluftimin ajror, nga i cili përfiton Anelka dhe shënon.
Alex Ferguson nuk u besoi syve, madje thuhet se në atë moment vendosi “ta rikthente” Pique në Barcelonë. Qendërmbrojtësi, që ka pasur suksese të jashtëzakonshme me Blaugranët dhe Spanjën për shumë vite, pasi la Premier League, do të kthehet si kundërshtar në “Old Trafford”, ku ishte shtëpia e tij për tri sezone. Gafa e tij i përket një ndeshje të vitit 2007, Manchester United kundër Bolton.
