Rikthimi në fushë nuk ka vendosur qetësinë me Mauro Icardit dhe Interit.
Marrëdhënia mes palëve duket mjaft e tensionuar dhe nga kjo situatë kërkon të përfitojë gjiganti i Seria A, Juventusi. Bardhezinjtë duan një sulmues “pykë” për sezonin e ardhshëm dhe argjentinasi besohet se është ai i duhuri.
Kështu, sipas “La Repubblica”, torinezët kanë nisur kontaktet me agjentën e Icardit, Wanda Nara. Ishte pikërisht kjo e fundit nxitësja e krisjes së marrëdhënieve mes palëve dhe janë të gatshëm të bëjnë gjithçka për të arritur te 26 vjeçari.
Kartoni i Icardit vlerësohej me rreth 110 milionë euro gjatë merkatos së verës së shkuar. Por çmimi i tij besohet të jetë ulur, duke rritur shanset për një ofensivë të Juventusit në merkaton e kësaj vere.
Për argjentinasin, Juventus është e gatshme të ofrojë deri në 60 milionë euro.
