Pasi e la pushim në mesjavë në fitoren 2-0 ndaj Cardiff, trajneri Pep Guardiola ka konfirmuar se sulmuesi argjentinas Sergio Aguero mund të jetë titullar në ndeshjen gjysmëfinale të FA Cup, që Manchester City do të luajnë të shtunën ndaj Brighton. Lojtari duket se ka rikuperuar nga dëmtimi që pësoi një javë më parë, që e detyroi trajnerin ta lërë pushim në Premier League. Bashkë me Aguero do të rikthehet edhe Benjamin Mendy, që pritet gjithashtu të jetë titullar.
“Të gjithë lojtarët mund të më ndihmojnë në këto momente të vështira të sezonit, ku luhet çdo tre ditë. Rikthimi i Mendy dhe rikuperimi i shpejtë i Aguero janë një bonus për skuadrën. Mendy është gati, është stërvitur mirë gjatë 10 ditëve të fundit dhe mund të luajë pa problem. Po ashtu edhe Aguero, që e lashë jashtë për të mos përkeqësuar situatën. Jemi në një moment delikat të sezonit, ku çdo lojtar do të jetë i rëndësishëm”, u shpreh Pep Guardiola.
