Pas një sërë dëmtimesh, Milani po rikuperon “pjesët” dhe për sprintin final në kampionat dhe gjysmëfinalen e Kupës së Italisë, ndeshja e kthimit me Lazion, në “San Siro” (0-0 sfida e parë) pritet të ketë të gjithë në dispozicion, me përjashtim të Bonaventuras, që ka mbyllur sezonin.
U përfol se Lucas Paqueta kishte mbyllur sezonin pas dëmtimit të pësuar ndaj Udineses, por braziliani jo vetëm që nuk e ka humbur por sot ka befasuar të gjithë, duke dalë në stërvitje me grupin. Shpresa është që të kthehet për ndeshjen ndaj Lazios, në Kupë, ndërsa do të mungojë në Parma.
Aty ku Donnarumma do të kthehet në portë pas dy ndeshjesh mungesë, ashtu si edhe Romagnoli do të rikuperojë nga dëmtimi me Lazion. Edhe Calabria është “ok”.