Pak ditë më parë, Atletiko Madrid luajti një ndeshje miqësore ndaj Beitar Jeruzalemit duke u mundur me rezultatin 2-1. I dënuar në kampionat për shkak të sjelljeve antisportive dhe sharjes që bëri karshi gjyqtarit, sulmuesi Diego Kosta ishte në fushë këtë ndeshje.
Ai arriti të bëhet protagonist dhe të linte gjurmë pa nisur ende takimi, por këtë radhë jo gjatë lojës. Një video e shpërndarë në rrjetet sociale është bërë virale për shkak se Kosta ngacmon njërin prej fëmijëve të vendosur në rresht para futbollistëve.
Gjithçka është kaluar në kuadrin e shakasë me fëmijën që kthehet të shohë kush e preku, ndërkohë që Kosta reagon sikur nuk ka ndodhur asgjë. Të shpeshta janë rastet kur Kosta bën sjellje të tilla të cilat përveç se në kuadrin e shakasë si këtë radhë, janë edhe negative.
