Zhoao Kanselo bëri një nisje shumë të mirë të sezonit te Juventusi, por pas janarit nisi rënia e formës së tij dhe kështu te “Zonja” po mendojnë shitjen.
Sipas asaj që raporton portugezja “Record”, Siti është gati të japë 60 milionë euro për mbrojtësin e krahut dhe Juventusi është predispozuar të pranojë. Flitet madje se është arritur akordi mes palëve.
Kanselo u ble për 40 milionë euro dhe Juventusi nëse e shet do të fitojë brenda një sezoni 20 milionë euro nga një lojtar.
Çdo gjë do të varet nga trajneri i ri i Juventusit, që ende po kërkohet. Nëse ai do të aprovojë shitjen, pritet të bëhet që në muajin e parë të merkatos.