Magjia e tij u prish. Barcelona kujtoi se kishte prekur finalen e Champions Leagues dhe bëri një paraqitje katastrofë në “Anfield” përballë Liverpoolit. Humbja 4-0 i kushtoi shumë skuadrës së Valverdes e cila u eliminua nga Champions League, ndërsa Lionel Messi për 90 minuta qëndroi në hije totale.
Ishte një natë për t’u mos u mbajtur mend nga Barcelona që për të dytin vit radhazi eliminohen me një përmbysje spektakolare, kësaj here ishte Liverpool, ndërsa sezonin e kaluar nga Roma.
Messi nuk kishte fjalë pas humbjes në Liverpool, Barcelona nuk ka asnjë shpjegim për atë që ndodhi në Anfield. 3-0 në Camp Nou, gjithçka ishte në kasafortë, por Liverpool u dha një leksion të tmerrshëm futbolli dhe i eliminoi katalanasit nga Champions League.
Krejt papritur, sezoni perfekt kthehet në një dështim, sepse La Liga dhe kupa nuk mjaftojnë më te Barcelona e as për “pleshtin”. Historia ndryshoi në atë moment, sepse me 4-0 Liverpool as që do e çonte ndërmend përmbysjen epike. /Alpesport.al
