Superliga e Turqisë ka dhuruar mjaft momente emocionuese këtë edicion.
Mjafton të kujtojmë se si u vendos çështja e titullit, me Galatasarayn që triumfoi falë edhe fitores direkte ndaj Istanbul Basaksehir.
Por për kosovarët ky sezon në futbollin turk do mbahet mend edhe për shkëlqimin e një prej yjeve të Përfaqësueses, Vedat Muriqi.
12 gola dhe 8 asiste janë numrat që ka pasur sulmuesi shtatlartë këtë edicion me Rizesportin në kampionatin e Turqisë.
“Sofascore”, uebsajti që merret me vlerësimin e lojtarëve, ka publikuar formacionin më të mirë të Superligës së Turqisë, në bazë të përformancave të lojtarëve gjatë gjithë sezonit.
Sulmuesi i Përfaqësueses së Kosovës nuk mungon në 11-shen e vitit, ndërsa largimi i tij nga skuadra aktuale është i pashmangshëm.
