Benfika është shpallur për të 37-tën herë kampione e Portugalisë. Skuadra e Lisbonës ka mundur 4-1 Santa Klarën në javën e fundit dhe ka siguruar titullin.
Ishte një garë deri në frymën e fundit mes Portos dhe Benfikës. 87 pikë ishte kuota që ka grumbulluar Benfika dhe dy pikë më pak grumbulloi Porto.
Benfika ka qenë si një uragan ndeshjen e mbrëmjes së sotme, duke shënuar 3 gola që në pjesën e parë. Ndërkohë në të dytën ishte çdo gjë një “procedurë”, që duhet të kryejë.
Njërin prej golave madje e shënoi, talenti 19-vjeçar Zhoao Feliks.
Nga ana tjetër Porto ka mundur me përmbysje Sportingun, por trepikëshi nuk ka pasur asnjë vlerë për titullin.
