Federata e Futbollit të Francës ka pezulluar me 3 ndeshje Neymarin për sulmin e bujshëm ndaj tifozit në finalen e Kupës.
Kjo do të thotë se sulmuesi brazilian nuk mund të jetë në dispozicion të trajnerit Thomas Tuchel për tri ndeshjet e fundit të kampionatit, ndaj Angers, Dijon dhe Reims.
PSG është mposhtur në finale të Kupës së Francës nga Rennes dhe pas ndeshjes Neymar është kapur me një tifoz të cilin më pas e shtyu me dorë.
Ky dënim do të rritet edhe për dy ndeshje tjera, nëse gjesti përsëritet në të ardhmen.
Kujtojmë që Neymar është dënuar me 3 ndeshje edhe në Champions League, për komentet e bëra në Instagram pas duelit, PSG – Manchester United.
