Nejmar po përballet me një situatë të vështirë duke qenë se përveç dëmtimit që e la jashtë Kupës së Amerikës, tashmë po përballet edhe me akuzat e një modeleje braziliane për përdhunim. Najila Trindade ka akuzuar pak ditë më parë Nejmarin se e ka përdhunuar në një hotel në Paris, mbrëmjen e 15 majit.
Vetë Nejmar ka përfunduar në polici aty ku ka dhënë deklaratat në lidhje me të vërtetën e ngjarjes dhe ka mohuar çdo akuzë të ngritur karshi tij. Nejmar shprehet se në hotel ka shkuar me dëshirën e modeles dhe se ka përdorur edhe masa mbrojtëse duke mos e pasur për asnjë moment kundër modelen.
Sa i përket shenjave në trupin e modeles, Nejmar shprehet se ajo ishte dëshira e vetë Najilas dhe duket se ka pranuar që të ketë shenja për ta bërë më të besueshëm denoncimin në polici. Sakaq, Najila shprehej pak kohë më parë se kishte dëshirë të shkonte me Nejmarin por meqenëse ky i fundit nuk kishte masa mbrojtëse, ajo kishte refuzuar dhe ishte përdhunuar, akuzë kjo e hedhur poshtë.
