Nora Gjakova u mposht në finalen e Lojërat Europiane që po mbahen në ‘Minsk’ të Bjellorusisë.
Xhudistja kosovare humbi përballë ruses Daria Mezhetskaia në kategorinë e -57 kilogramëve, për ta fituar kështu medaljen e argjendtë.
Pejania përballjen e saj të parë e zhvilloi ndaj francezes Priscilla Gnettor, që arriti ta mposhte me pikë, duke kaluar në çerekfinale. Më pas e mposhti edhe Pauline Starje të Gjermanisë me një fitore te pastër, Ippon.
Nora Gjakova ka mposhtur në gjysmëfinale konkurrenten nga Portugalia, Telma Monteiro, për të kaluar kështu në finale.
Finalja e zhvilluar në Minsk i solli Norës medaljen e argjendtë, ndërsa Kosova u nderua edhe me medaljen e artë pas triumfit historik të Majlinda Kelmendit.