Divok Origi papritmas në fund të sezonit u bë idhulli i tifozerisë dhe heroi i Liverpoolit.
Sulmuesi belg shënoi dy gola në atë përmbysje spektakolare ndaj Barcelonës dhe gjeti rrugën e rrjetës ndaj Totenhemit në finale.
23-vjeçari ishte pranë shitjes, por fund-sezoni spektakolar që ai zhvilloi ka bërë që Liverpooli të mbajë një qëndrim tjetër.
Siç raporton “Liverpool Echo”, të kuqtë janë gati t’i rinovojnë kontratën belgut, pasi ajo i përfundon verën e vitin 2020.
Kështu, Liverpooli nuk ka asnjë synim ta shesë lojtarin dhe shuan shpresat e çdo ekipi që mund ta kishte synim për merkaton.