Rodrygo Goes ka mbërritur në Madrid. Ai nesër do të prezantohet në “Santiago Bernabeu”.
Pas Eden Hazard e Luka Jovic, edhe Rodrigo Goes do të prezantohet në “Santiago Bernabeu”.
Rodrigo Goes, që u ble nga Real Madridi vitin e kaluar për më shumë se 45 milionë euro, do ta veshë nesër për herë të parë fanellën e Los Blancos, një ditë para se të prezantohet Ferland Mendy (të mërkurën, 19 qershor), kurse Militao do të prezantohet pas Kupës së Amerikës.
Futbollisti tashmë ka mbërritur në Madrid, bashkë me familjen e tij dhe është gati për të nisur një aventurë të re në Madrid.
Te Santos, nga ku është blerë nga Reali, Rodrygo ka luajtur si sulmues qendror dhe anësor.
