Fabio Paratiçi, drejtori sportiv i Juventusit, doli në konferencë për shtyp së bashku me Mauricio Sarrin, për ta prezantuar atë.
Ai para gazetarëve ka folur, për arsyen që drejtuesit kanë zgjedhur Sarrin, për stolin e skuadrës.
“Zgjodhëm Sarri sepse mendojmë se për momentin është trajneri më i mirë për Juventusin. Nuk kishte të bënte mënyra e lojës me motivin e klubit për të ndryshuar. Ne zgjodhëm atë siç bëmë me Alegrin pesë vite më parë, apo Konten përpara tij. I kishim idetë e qarta që në fillim. Besojmë se është më i miri i mundshëm. Ka treguar cilësi në Itali, por edhe në Angli”, kanë qenë fjalët e prera të Paratiçit.