Një ngjarje e shëmtuar ndodhi në Cesena fundin e ndeshjes mes Francës U-21 dhe Rumanisë U-21, të vlefshme për Europianin e 21-vjeçarëve.
E dashura e mbrojtësit rumun, Cristian Manea, është dhunuar nga disa tifozë në fundin e ndeshjes, teksa u dërgua në spital, ku mori 2 qepje në buzë.
Zanafilla e aktit të shëmtuar nisi menjëherë sapo përfundoi ndeshja.
Mbrojtësi Manea shkoi drejt tribunës për të takuar të dashurën e tij, por para i ka dalë një vajzë tjetër, që i ka kërkuar të bëjë një foto me të.
Kjo gjë nuk është pritur aspak mirë nga Manea, i cili e ka refuzuar tifozen, duke e shtyrë.
Ky veprim i futbollistit rumun, dyshohet të ketë acaruar situatën, teksa 2 persona janë hakmarrë duke dhunuar të dashurën e tij.