Ylli i Juventus, Paulo Dybala prej kohësh është lidhur me një kalim të mundshëm tek skuadra e Manchester United.
Sulmuesi argjentinas nuk është në planet e trajnerit, Maurizio Sarri, pasi “Zonja e Vjetër” prej kohësh po kërkon të marrë shërbimet e Romelu Lukakut që mund të përdoret edhe si një ofertë shkëmbimi.
Raportime nga tabloidi britanik ‘The Sun’ bëjnë me dije se vëllai i Dybalasë është takuar me përfaqësues të Man United duke diskutuar detajet e marrëveshjes.
25-vjeçari është i gatshëm të kalojë në “Old Trafford” vetëm nëse merr një rrogë 175 mijë sterlina në javë, pagë afërsisht e njëjtë me atë të Romelu Lukakut.
Dybala nuk kaloi një sezon të mirë pasi me fanellën e Juventusi arriti të shënonte 10 gola në 42 paraqitje.
