Romelu Lukaku është lënë përsëri jashtë skuadrës dhe largimi i tij nga Manchester United tashmë duket më pranë.
Lukaku udhëtoi me “Djajtë e Kuq” në turin parasezonal në Australi dhe Azi, por nuk zhvilloi asnjë paraqitje, ndërsa trajneri Ole Gunnar Solskjaer vazhdimisht këmbëngulte se belgu ishte i dëmtuar.
Sipas medieve angleze, kjo situatë është e vështirë të përcaktohet nëse lojtari është vërtetë i dëmtuar apo gjithçka lidhet me dëshirën e lojtarit për të ndërruar ambient.
Interi nuk dorëzohet për shërbimet e belgut, por futja në garë e Juventusit ka ndërlikuar jo pak gjërat për zikaltrit. Manchester United ndodhet në Norvegji, ku të martën “Djajtë e Kuq” do të zhvillojnë një ndeshje miqësore me Kristiansund, dhe trajneri Solskjaer edhe njëherë e ka përjashtuar 26-vjeçarin nga lista e lojtarëve të grumbulluar.
Lënia e tij në shtëpi vjen në një kohë kur raportohet për kalimin e tij në Serie A ku Interi dhe Juventusi janë duke “luftuar” për të marrë shërbimet e sulmuesit belg.
