Dani Olmo është një nga emrat më të kërkuar në këtë merkato, për të cilin interesohen skuadrat më të mëdha të Evropës.
Për të ardhmen e 21-vjeçarit, ka folur agjenti i tij i cili iu ka mbyllur derën disa klubeve. Në një intervistë për “Mundo Deportivo”, agjenti i spanjollit është shprehur: “Ekipi i ri i mesfushorit do të luajë në Ligën e Kampionëve, dhe nuk është nga La Liga”.
Me këtë deklaratë ai i mbyll derën disa prej ekipeve si Milani, Mançester Junajtid dhe Atletiko Madrid, të cilët interesohen për lojtarin. Tre skuadrat që janë në garë për shërbimet e talentit, pas kësaj deklarate janë Totenhemi, Liverpuli dhe Bajern Mynihu.
Pas paraqitjeve të shkëlqyera në Europianin U21 me Spanjën, tani Olmo, që momentalisht luan te Dinamo Zagreb, do të transferohet tek një skuadër e madhe.
