Çelsi ka mbyllur akademinë e “Cobham”-it për shkak të një shpërthimi të Koronavirusit, ndërsa klubet e Premier Ligës po preken gjithnjë e më shumë nga COVID-i.
Një numër i konsiderueshëm i klubeve angleze janë prekur nga rritja e rasteve të infektimit në të gjithë Britaninë dhe blutë e Londrës janë bërë skuadra e fundit që mbyll përkohësisht akademinë e saj derisa të bëhet dezinfektimi i plotë.
Sipas “The Telegraph”, një numër i konsiderueshëm rastesh është regjistruar në testimet e fundjavës së shkuar, duke sjellë mbylljen e akademisë për pjesën e mbetur të kësaj jave. Por, fatmirësisht, bazat ku stërvitet skuadra e parë e Lampardit nuk janë prekur dhe Çelsi vijon normalisht stërvitjen.
