Me një gol të shënuar nga ylli i Liverpoolit, Sadio Mane, Senegali eliminoi Ugandën dhe u kualifikua për në fazën çerekfinale.
Senegalezët e nisën mirë takimin dhe kaluan në avantazh që në minutën e 15-të me Mane, i cili në fillim të pjesës së dytë humbi edhe një 11-metërsh.
Nga ana tjetër Uganda bëri përpjekje për të gjetur golin e barazimit dhe krijoi disa mundësi, por nuk arriti të finalizojë me sukses, duke i dhënë lamtumirën Kupës së Afrikës.
