Milan prej kohësh është në kërkim të një mbrojtësi, dhe ka hedhur sytë nga Premier Liga.
Sipas asaj që shkruan “Football Italia”, drejtuesit e Milanit pëlqejnë mbrojtësin argjentinas të Mançester Sitit, Nikolas Otamendi. Lojtari ka tërhequr vëmendjen e Milanit, të cilët prej kohësh janë në kërkim të një mbrojtësi për të luajtur përkrahë, Romanjolit. 31-vjeçari nuk ka vend në formacionin e Guardiolës dhe do t’i pëlqente të niste një aventurë të re në Itali.
Gjithsesi kuqezinjtë nuk kanë bërë akoma një ofertë në drejtim të anglezëve, por thjesht është një ide për mbrojtjen, në rast se dështon pista Demiral. Kujtojmë se për Otamendin, ka shfaqur interes edhe Valencia, skuadër ku argjentinasi ka luajtur para se të transferohej tek kampionët e Anglisë.
