Gareth Bejl është një nga emrat më të përfolur në kohët e fundit, për shkak të marrëdhënies jo të mirë me Zidanin.
Ditën e djeshme Real Madridi zhvilloi një ndeshje miqësore kundër Totenhemit, të cilën e humbën me shifrat 0-1. Gareth Bejl nuk ishte me skuadrën në Gjermani, me trajnerin Zidan që mendonte se lojtari do të kishte ndonjë problem, dhe në këtë mënyrë lejoi që ai të shkonte në Spanjë.
Mirëpo ndërkohë që madrilenët po luanin ndeshjen, uellsiani është fotografuar teksa luante golf, në një fushë në Madrid. Kjo është një shenjë tjetër, se 29-vjeçarit nuk i intereson aspak se çfarë ndodh me skuadrën e tij.
Tekniku francez shpesh herë është shprehur se nëse Bejl do të largohej, do të ishte mirë për të gjithë, dhe se ai nuk e dëshiron në skuadrën e tij.