Bobby Duncan, kushëriri i legjendës së Liverpool Steven Gerrard, ka sulmuar klubin duke deklaruar se po i shkatërron jetën duke e mbajtur në klub kundër dëshirës së tij.
Saif Rubie, agjenti i talentit, ka publikuar një deklaratë ku ai konfirmon dëshirën e lojtarit për t’u larguar nga Anfield, vetëm një vit pasi iu bashkua The Reds nga Manchester City.
Liverpool ka refuzuar ofertat e huazimit të Fiorentinës dhe FC Nordsjaelland për 18-vjeçarin, diçka që ka irrituar së tepërmi atë dhe përfaqësuesit e tij.
Në deklaratë, sulmuesi akuzon klubin për bullizëm dhe se ndihet i tradhtuar nga drejtuesit.
Ai pretendon se ka vuajtur nga probleme mendore gjatë këtyre ditëve për shkak të stresit të madh teksa klubi nuk do ta lejojë të largohet.
