Roma është në kërkim të një sulmuesi pas dëmtimit të Perrotit, i cili pritet të mungojë deri në fund të tetorit.
Në këtë situatë verdhekuqtë janë hedhur në merkato, për të gjetur një sulmues të djathtë dhe duket se atë e ka gjetur te ukrainasit e Shaktar Donjestkut. Bëhet fjalë për sulmuesin brazilian Taision, i cili në sezonin e fundit zhvilloi 35 ndeshje me ukrainasit dhe shënoi 6 gola.
Lojtari pëlqehet shumë nga trajneri Fonseka, i cili e kishte nën urdhrat e tij gjatë kohës kur ai drejtonte Shaktarin, dhe e kërkon edhe te skuadra e re.
Drejtuesit po punojnë t’ia plotësojnë trajnerit këtë kërkesë, dhe së shpejti do të nisin kontaktet me skuadrën ukrainase, duke ditur që nuk kanë edhe shumë kohë pasi merkato mbyllet në 2 shtator.
