Konfirmohet lajmi i bërë publik, pak orë më parë. Mbrojtësi i djathtë Jorgo Meksi është lojtari më i ri i Skënderbeut.
Lajmi është konfirmuar nga vetë klubi bardhekuq, të cilët nëpërmjet një njoftimi zyrtar kanë prezantuar 24-vjeçarin si pjesë e ekipit të drejtuar nga tekniku Daja. Në njoftimin e klubit, thuhet se lojtari ka bindur stafin e klubit korçar, dhe kanë nënshkruar një kontratë 3-vjeçare që do ta mbajë atë të lidhur Skënderbeun deri në verën e vitit 2022.
Ja njoftimi i plotë i klubit korçar:
Prej sot, Jorgo Meksi është zyrtarisht futbollist bardhekuq!
24-vjecari ka bindur stafin bardhekuq për të qënë pjesë e KF Skënderbeu në vazhdim. Meksi ka nënshkruar sot kontratën që e lidh me klubin për 3 vitet e ardhshme.
Meksi luan në krahun e djathtë të mbrojtes dhe do të jetë në dispozicion të trajnerit Ilir Daja për takimin e javës së 2-të ndaj Laçit në transfertë.
Welcome Jorgo Meksi…
Kujtojmë se Meksi gjatë verës ishte në provë te Luftëtari, por më pas u largua pasi nuk bindi trajnerin Dalipi, i cili tashmë është larguar nga pankina e bluzinjve.