Serena Williams ka mposhtur me lehtësi Maria Sharapovan në US Open.
Dy ish-numrat 1 në botë dhe fituese të këtij turneu, rivale të përjetshme, u përballën që në raundin e parë.
Serena fitoi me lehtësi 2-0 (6-1, 6-1) ndaj ruses, një ndeshje pa histori, që zgjati më pak se një orë. Ndonëse pritej një sfidë më e fortë, tenistja amerikane pati epërsi në fushë, duke e masakruar rivalen ruse, që nuk dha atë që pritej. Kjo është fitorja e 19-të radhazi e Serena Williams ndaj Sharapova.
Tenistja amerikane është duke shpresuar që ta barazojë rekordin e Maragret Court me 24 trofe të fituar, ndërsa ndeshja ndaj Sharapovës zgjati vetëm 59 minuta.
