Juventusi refuzon ofertën e Arsenalit për Ruganin. Kërkimet e Arsenal për një lojtar të fazës defensive nuk po shkojnë aspak ashtu siç duhet.
Skuadra e Arsenal është vënë në kërkim të një mbrojtësi, dhe një nga emrat në listën e dëshirave të ‘Gunners’ është ai i Daniele Rugani.
‘Gunners’ kanë bërë një ofertë huazimi për dy vite për italianin, por kjo ofertë është refuzuar nga ‘Zonja e vjetër’.
Rugani shihet si një zëvendësues ideal për Laurent Koscielny, i cili me shumë gjasë do të largohet para fillimit të sezonit.
Një nga dëshirat e Arsenal për fazën e mbrojtjes është edhe Kieran Tierney, i cili aktivizohet në krahun e majtë të mbrojtjes.
