Ergys Kace ka përjetuar një kalvar të gjatë problemesh tek skuadra e Paok.
Mesfushori korçar u kthye nga huazimi me skuadrën e Panathinaikos, dhe dukej se do të bënte valixhet gati dhe do të largohej nga skuadra e Paok-ut.
Mirëpo me ndërrimin e trajnerit skuadra e ka vendosur që ta mbajë.
Trajneri Ferrera mori drejtimin e PAOK dhe një nga dëshirat e tij ishte dhënia e kohës për Kaçen: “Më duhet ta shoh në përgatitje”. Ashtu edhe ndodhi, lojtari i Kombëtares e fitoi simpatinë e trajnerit portugez. Vendimi është marrë dhe mesfushori shqiptar pritet të jetë pjesë e ekipit grek për sezonin e ardhshëm.
Tekniku Ferrera ka publikuar listën për turin e tretë të “Champions League” që do të luhet ndaj hirushes së “Champions League” në sezonin e shkuar, Ajaksit.
Ergys Kaçe është përfshirë në të dhe pritet të ketë minuta aktivizimi, me takimet që do të luhen në datat 6 dhe 13 gusht.
