Ajax i ka dhënë fund lajmeve për një largim të mundshëm të talentit brazilian David Neres.
Për të ka pasuar shumë oferta nga klube të mëdha evropiane, Atletico Madridi , Manchester United, Everton.
22 vjeçari ka nënshkruar zyrtarisht një kontratë të re deri në vitin 2023, duke shtuar një vit më shumë nga marrëveshjen e tij të mëparshme që skadonte në 2022.
Neres shpërtheu me Ajax në Ligën e Kampionëve, pasi klubi holandez, eliminoi Real Madrid dhe Juventus para se të humbiste nga Tottenham në raundin gjysmëfinal.
Sulmuesi brazilian bëri 15 paraqitje në Ligën e Kampionëve, duke shënuar gola kundër Real Madridit dhe Juves në raundet e eliminimit direkt.
Neres fillimisht u transferua në Ajax nga Sao Paulo gjatë merkatos së dimrit 2017, duke bërë debutimin e tij për klubin në shkurt.
Ai ka vazhduar të bëjë gjithsej 101 paraqitje për klubin, duke shënuar 29 gola gjatë kohës së tij në Amsterdam.
