Skuadra e Milanit përpara pak çasteve ka mbërritur në aeroportin e Prishtinës, aty ku do të mbahet dhe takimi me skuadrën e Feronikelit.
Edhe pse temperaturat janë shumë të larta, një numër i konsiderueshëm tifozësh kanë dalë për ta pritur skuadrën milaneze.
Kjo është hera e parë për skuadrën e Milanit që zbret në tokën kosovare dhe padyshim ardhja e saj në Prishtinë për ta zhvilluar një ndeshje miqësore ka bërë shumë buj në arenën ndërkombëtare.
Milani sonte nga ora 20:45 për herë të parë në histori do ta zhvillojë një ndeshje në Kosovë, ku në stadiumin “Fadil Vokrri” luan miqësoren me kampionin Kosovës, Feronikelin.
