Mesut Ozil dhe Sead Kolasinac janë vënë prej disa ditësh nën mbrojtje nga policia angleze, përtej rojeve të sigurisë private që kanë punësuar dy futbollistët.
Shkak është bërë ai incident i disa ditëve më parë kur të dy u sulmuan nga banda të armatosura që donin t’i grabitnin.
Ngjarja bëri shumë bujë, por po aq bujë bëri fakti se Arsenali i la jashtë dy lojtarët duke konfirmuar se ishte për çështje sigurie.
Mesa duket, banda e armatosur në fjalë kishte vazhduar me kërcënimet ndaj dy lojtarëve të cilët u “blinduan” në shtëpitë e tyre.
Sot, polica angleze ka bërë të ditur se ka arrestuar 2 nga pjesëtarët e bandës që kërcënonte lojtarët.
Ferhat Ercan dhe Salaman Ekinci, janë dy personat e arrestuar nga policia, të cilët akuzohen se janë pjesë e grabitjes së armatosur dhe kanë vazhduar me kërcënimet ndaj futbollistit edhe në ditët e kaluara.
