Nuk e kemi njohur ende fituesin e çmimit prestigjoz “Puskas” për sezonin 2018-2019, por shumë futbollistë kanë nisur të hedhin kandidaturën për tu zgjedhur si goli më i bukur në sezonin e ri futbollistik.
Antonio Candreva ishte protagonist kryesorë në fitoren 4-0 që Inter mori në shtëpi ndaj Lecce. Italiani lëshoi një silurë të vërtetë nga rreth 30 metra, duke vulosur “pokerin” dhe ngjalli pretendimet se ky gol duhet të përfshihet me doemos në garën për çmimin “Puskas”.
Gjithashtu, në garë nuk pritet të mungojë as Giorgian de Arrascaeta. Mesfushori ishte fantastik në fitoren 3-0 që Flamengo mori ndaj Ceara. Teksa po kronometrohej minuta e 97-të, 25 vjeçari bëri një lëvizje teknikisht të përsosur akrobatike, duke prodhuar një nga golat më të bukur në histori.
