Një tjetër yll është larguar nga Ajax Amsterdam, skuadra që fitoi titullin e kampionit dhe Kupën e Holandës sezonin e kaluar.
Pas largimit të Frenkie de Jong e Matthijs de Ligt, së fundmi po largohet edhe mesfushori danez, Lasse Schone.
Sipas Fabrizio Romano, Schone është pajtuar që t’i bashkohet skuadrës së Genoa.
Ai ka kaluar shtatë vite me skuadrën e Ajax Amsterdam dhe tashmë është gati të fillojë aventurën e re në Itali.
Danezi do të nënshkruajë një kontratë dy vjeçare, me opsion për të vazhduar për të tretin sezon.
