Barcelona zhvilloji një ndeshje miqësore në Hard Rock Stadium në Miami, kundër skuadrës së Napolit, ku arriti të fitojë me rezultatin 2-1. Pas ndeshjes trajneri i barçës Ernesto Valverde dha një intervistë për mediat.
Valverde nuk arriti t’i shpëtonte pyetjeve në lidhje me çështjen më të diskutuar të momentit, atë të rikthimit të Neymar në Barcelonë.
“Hera e fundit kur erdha në këtë stadium ishte viti 2017, në atë kohë më është dashur t’iu përgjigjem një lumë pyetjesh në lidhje me Neymar (i cili në atë kohë përflitej për një kalim tek PSG). Dy vjet më vonë është e njëjta gjë, më ndjek më duket ! Nuk e di çfarë do të ndodhë”, u përgjigj Valverde.
